Helgi Hrafn Halldórsson

Þeir sem lásu bloggið mitt fyrir ári síðan vita að ég fékk tækifæri til að vera í dómnefnd íslensku vefverðlaunanna það árið en gat ekki tekið þátt vegna flutninga til Reykjavíkur. Ég gagnrýndi einnig harðlega þá vefi sem dómnefnd tilnefndi til úrslita það árið. En í ár fékk ég annað tækifæri og sat í dómnefnd meðal sjö annara úrvals dómara á sviði vefiðnaðar, þau voru:

• Anna Helgadottir, Vefstjóri Marel
• Katrín Atladóttir, Viðmótsforritari hjá CCP
• Kristín Eva Ólafsdóttir, Hönnunarstjóri hjá Gagarín
• Magnús Þór Bjarnason, Stjórnandi hönnunar og upplýsingahögunar hjá Hugsmiðjunni
• Valur Þór Gunnarsson, sérfræðingur í vefdeild Arion Banka
• Ásgeir Freyr Kristinsson, Forritari hjá Skýrr
• Þór Sigurðsson, Vefstjóri og Eigandi Barnalands

Sigurvegarar íslensku vefverðlaunanna eru:

• http://www.ja.is – Besti íslenski vefurinn og Besti þjónustu- og upplýsingavefurinn
• http://www.nikitaclothing.com – Besta viðmót og hönnun og Besti sölu- og kynningarvefurinn (undir 50)
• http://www.hugmyndaraduneytid.is – Frumlegasti
• http://play.eveonline.com – Besti sölu- og kynningarvefurinn (yfir 50)
• http://www.skjarinn.is – Besti afþreyingar- og fréttavefurinn
• http://www.gummisig.is – Besta blog/efnistök/myndefni
• http://m.ja.is – Besti hand-smátækja vefurinn
• Landsbankinn: Náman – Besta markaðsherferðin

Ég er mjög ánægður með þessar niðurstöðurnar og það er greinilegt að þessi verðlaun eru að stækka. Á ráðstefnunni sem var á vegum SVEF um markaðsetningu á netinu og afhenginu verðlaunanna í dag var hátt í 150 manns, og var þessi hátið rosalega flott. Í lokin vil þakka stjórn SVEF kærlega fyrir mig og í leiðinni óska sigurvegurum innilega til hamingju.

Bætt við eftir birtingu – Ég spjallaði meðal annars við Gunnar Hómlsteinn í dag og honum fannst kominn tími til þess að íslensku vefverðlaunin hafi sérstakann flokk fyrir vefforrit. Sem dæmi má nefna Vaktarinn, Raunveruleikurinn.is, Herstjórinn og fleiri forrit. Þessu er ég sammála og vona að stjórn SVEF fari í málið.

Í kjölfar þess að ég tek þátt í þýðingu á Wordpress 2.9.1 með Axel Rafni og Victori Jónssyni ákvað ég að skoða möguleikann á því að fá íslenska villuleit í Wordpress ritillinn. Eins og allir vita sem vinna eitthvað með Wordpress þá notar það kerfi TinyMCE ritilinn. Svo mundi ég allt í einu að Mbl Bloggið notar TinyMCE og er með tengingu við Púka. Ég fékk að vita að það er vefþjónusta við Villupúkann hjá Frisk og ég er búinn að senda þeim fyrirspurn.

Á meðan ákvað ég að skoða aðra möguleika og komst að því að Spellchecker íbótin í TinyMCE kann að nota ASpell. Ég setti upp ASpell með stuðningi fyrir íslensku og breytti einfaldlega nokkrum stillingum og fékk þetta til að virka.

Í þessari færslu fer ég í gegnum þær breytingar sem þarf að gera.

(meira …)

Ég fékk aðra ábendingu um notkun myndar í leyfisleysi. Vinnufélagi minn Þorsteinn Ólafsson og kona hans fengu ábendingu um að mynd af vefsvæði tvíbura þeirra væri í þættinum Nýsköpun – Íslensk Vísindi. Í kringum 3:20 má sjá þessa mynd koma fram með öðru línuriti til hliðar.

Myndin sem um ræðir er mynd sem Þorsteinn og frú bjuggu til af ættartréi tvíbura þeirra. Aftur á móti skal hafa það í huga að undirliggjandi mynd af trénu er ekki eftir þau. Aðeins er um eftirvinnsluna að ræða. Það sem er athyglisvert við þetta atvik er hinsvegar að myndin er fyrst á myndaleit Google þegar leitað er að ættartré.

Þannig nú spyr ég. Er um léleg vinnubrögð að hálfu RÚV (eða Lífsmyndar, fyrirtæki Valdimars Leifssonar) að ræða eða ættu þau Þorsteinn og Thelma að taka þessu sem heiður?

Hafa skal í huga að í þessu tilfelli er um heimildarþátt að ræða en ekki auglýsingu líkt og í grein minni Glæpur að stela Fangavaktinni, en ekki ljósmyndum?

Ég fékk þær fréttir í dag að ELKO er farið að taka við forpöntunum á iPhone 3GS 16GB. Það er sem sagt loksins farið að selja iPhone í verslunum hér á landi. Hingað til hefur þetta verið í höndum Sigurðar Þórs sem rekur iPhone.is, en þar uppfyllir hann aðeins eins árs ábyrgð. Nú getur þú fengið símann með tveggja ára ábyrgð frá ELKO.

Skv. vefsíðu ELKO eru þetta aflæstir símar sem hingað til hafa alltaf verið dýrari en þeir læstu. Verðið er heldur ekkert út úr kortinu miða við verðskránna á iPhone.is. En fyrir auka ár í ábyrgð fyrir 10.000 er þess virði. Reyndar var verðmunurinn upphaflega um 3.000, en Sigurður er kominn með tilboðsverð uppá 149.995 á móti 159.995 í ELKO.

En það er ein spurning sem ég velti fyrir mér. Ætli þetta sé gert með vitund Apple Inc? Hingað til hafa það alltaf verið símafyrirtækin sem hafa fengið endursölurétt.

Ég fékk ábendingu frá félaga mínum í dag um efni í næsta Helginn þátt. En mér fannst ég verða að skrifa um þetta fyrst. Þétta snýst um nýju jóla auglýsingu Stöðvar 2 og notkun þeirra á höfundarréttarvörðu efni í leyfisleysi.

Í kringum 38 sekúndu er Gillz að gráta yfir sjónvarpinu og ef þið skoðið þetta atriði nánar má sjá fallegt jólaveður út um gluggan á bak við hann.

Þessi fallega jólamynd er tekin af félaga mínum Hlyni Þór Jenssyni og hann er með þessa mynd á Flickr síðunni sinni. Ég er búinn að ræða við hann og fékk leyfi til að birta myndina hans hérna á vefnum mínum.

Ég setti þessar myndir saman í eina til að sýna þetta betur. Það sést greinilega á trjánum, húsinu, ljósastaurnum og bara öllu að þetta er myndin hans Hlyns.

Þetta finnst þeim hjá Stöð 2 í lagi, en það má ekki niðurhala Fangavaktinni? Það þarf eitthvað að skoða þessa siðferðis hugsun þeirra Stöð 2 manna.

Ég var meðal fyrirlesara á 9.9.9 – nýju samfélögin, nýju lögmálin, nýju tækifærin ráðstefnunni í Salnum í Kópavogi í dag. Þarna var fullt af flottum fyrirlesurum að fjalla um netsamfélögin og sumir að segja hvernig þeir eru að nota þau í dag. Ég átti upphaflega að vera fjórði fyrirlesarinn en skipti við Gunnar hjá Clara, þar sem hann þurfti að vera á fundi á sínum upphaflega tíma. Þannig ég var síðastur í röðinni. Það gaf mér tækifæri að twitta um gang mála á ráðstefnunni og var hastag-ið #999conf.

Ég lofaði að setja glærurnar mínar á netið og ég ákvað að setja líka inn textann sem ég skrifaði.

Helginn 999 texti

Helginn 999 glærur

Ummæli á Twitter:
@Gommit #1 #2 #3 #4
@gunniho og aftur
@andresjons og aftur
@aldakalda og aftur

Strax og ég var búinn að skrifa um það hvernig slökkva skal á tölvupósti frá Facebook var ég spurður hvort hægt væri að slökkva á tilkynningunum niðri í hægra horninu. Svarið við því er að sjálfsögðu, já. Þú getur stjórnað því hvaða Facebook forrit (App) fá að senda þér tilkynningar þangað.

Smellið á tilkynninga takkann nirði í hægra horninu

Síðan er smellt á See all

Að lokum er hægt að mekrja við þau forrit sem fá að birta skilaboð í þessum Notification glugga.

Nú þegar meirihluti þjóðarinnar er á Facebook og Ísland hefur hæsta hlutfall skráðra aðila, er spurning um að koma með smá ráð á því hvernig minnka skal tölvupóstinn frá Facebook. Hver þekkir ekki að vera með hundurðir tölvupósta frá Facebook eftir sumarfríið? Ekki ég, skal ég segja ykkur.

Einfaldlega farið í Settings í hægra horninu

Smellið svo á Notifications

Takið svo burt merkinguna við þær tilkynningar sem þið viljið ekki

Ég tek þetta allt í burtu og hef bara merkt við það að fá tölvupóst þegar einhver sendir mér skilaboð.

Vonandi hjálpar þetta fleirum að fylla ekki pósthólfið sitt.

Meira: Slökkva á Facebook tilkynningum (enn frekar)

Ég og Helgi Steinar höfum tekið að okkur að stýra sjónvarpsþætti á netinu og verður hann birtur á Akureyri.net. Þátturinn heitir Helginn og við setjumst saman í sófann og förum yfir efni af Akureyri.net og annað skemmtilegt sem við finnum á internetinu. Nafnið kemur einfaldlega frá því að við heitum báðir Helgi og þættirnir verða vonandi birtir vikulega um helgar. Fyrsti þátturinn er þó sýndur á miðvikudegi til að hitta á skemmtilega dagsetningu, 1. júlí 2009, eða í dag. Næsti þáttur verður birtur um helgina 11. eða 12. júlí.

Fréttastjóri Akureyri.net fékk mig í viðtal á MSN daginn fyrir frumsýningu fyrsta þáttar og þá spurði hann mig hvernig þetta kom til.

“Hugmyndin kom upphaflega þegar ég sýndi Helga Steinari netþáttinn Diggnation og þá fengum við þá flugu í hausinn að gera video blog sjálfir. Höfum báðir verið í því að blogga og gefist upp á því, með löngum pásum. Síðan kom Örlygur Hnefill einhvern veginn inní umræðuna og blandaði þessu við Akureyri.net og stækkaði video bloggið yfir í stærri þátt á netinu. Eftir það var í raun varla snúið við, það var búið að panta hönnun á merki, myndatökumenn búnir að taka frá daga í upptökur og konurnar okkar búnað að panta sér tíma í nudd.” Eins og kemur fram á Akureyri.net

Í þessu sama viðtali spurði hann hvert planið væri með þáttinn, heimsfrægð eða dauði?

“Langar ekki öllum í frægð og frama? Okkur langar allavegana að koma með nýja sýn á málunum og vera ekki algjörlega stípaðir fyrir sjónvarpið. Fólk á eftir að taka eftir því að við töluð mikið í kross, endurtökum hvorn annan og gerum okkur að algjörum fíflum í fyrsta þættinum.”

Þetta er nefnilega málið, hvorugur okkar hefur verið fyrir framan myndavélina áður. Meira um það að við erum á bak við hana fram að þessu. Þetta verður allavegana mjög spennandi og skemmtilegt verkefni.

Endilega horfið á fyrsta þáttinn okkar Nú hefst fjörið á Akureyri.net/helginn og fylgist með á Facebook, YouTube og Twitter.