Helgi Hrafn Halldórsson

Enn eitt lagið sem ég fíla, þetta kemur mér í gang á morgnana

Já, það snjóaði sko mikið í gær. Ég var ný búinn að fá Túnþökusölu Kristins til að moka bílaplanið hjá okkur, reyndar á miðvikudaginn. En mér er sama, óþarfi að moka einu sinni í viku.

Í gær fengum við Stubba Guðrúnu Soffíu í heimsókn. Hún var búinn að biðja mig að redda sér hugbúnaði í tölvuna, og það er nú yfirleitt ekki vandamálið. Aftur á móti er hún með Windows Vista, og ég kann ekkert á það. Fékk tölvuna hennar ekki til þess að tala við serverinn minn heima. Endaði með því að brenna hugbúnaðinn á DVD disk, því ég átti ekki nógu stórann USB lykil. En DVD diskurinn varð eitthvað bilaður þannig að við redduðum þessu öðru vísi.

Guðrún skutlaði okkur svo til Sverrir Páls, þar fengum við pönnukökur og við Svp spjölluðum um heima og geima. Ætli það séu ekki að nálgast 2 ár síðan við Svp settumst niður og ræðum málin. Eftir kaffispjallið ákváðum við að kíkja aðeins í tölvurnar okkar, og fórum að spá í vefinn hans. Sverrir fannst Wordpress rosalega spennandi, þannig að við erum líkleg að flytja vefinn hans líka yfir. Svp bauð svo upp á ljúffengt grænmetislasagna og svo reyndum við að uppfæra iPod Touch-inn hans. Þegar við komumst að því að við urðum bara að kaupa nýjustu uppfærsluna, og vorum búnir að fá skilaboðin um að íslenskt VISA kort virkar ekki í Apple Store USA. Gáfumst við upp. Ég ætla bara að redda honum iTunes gjafakorti. Þá fær hann inneign á aðganginn sinn og getur farið að versla sér tónlist, sjónvarpsþætti, bíómyndir og hugbúnað í iPodinn.

Eftir heimsóknina löbbuðum við Stubba heim, og þegar heim var komið vorum við ÖLL í snjó. Stubba með köggla upp á bak og ég í frosnum buxum. Almennt séð, góður dagur.

Heyrði þetta lag í Jay Leno í vikunni, og svo aftur í nótt. Finnst það frekar flott.

Dagurinn byrjaði ágætlega, ég vaknaði reyndar frekar seint þar sem Helgi Steinar var í heimsókna hjá mér í gærkvöldi. Vorum að brasa með nýja vefinn hans, icehusky.is. En í vinnunni í dag náði ég að klára ársuppgjörið í nautgriparætkinni, og ættu BÍ menn að geta farið yfir gögnin sín áður en efnið verður gefið út. Mamma hringdi svo í mig, og spurði hvort mig vantaði ekki að fara í Bónus, sem var alveg rétt. Síðan þegar ég var kominn heim hitti ég þau sem ætla að leigja af okku Stekkjartúnið og fórum við yfir ýmis atriði og skrifuðum undir leigusamninginn. Eftir það fékk ég mér að borða og stein sofnaði fyrir framan imbann.

í stuttu máli, mjög góður dagur.

Já, körfuboltaæfingin í dag var frekar furðuleg. Það var reyndar góð mæting, en við rétt náðum að spila 3 leiki. Það var enginn að hitta og mikill pirringur í mönnum.

Er ekki kominn tími að taka niður jólaskrautið?

Mig langar bara að sýna mönnum hvað ég sá á Mbl.is. Þetta finnst mér alveg rosalegt.

Jamm .. það er lítið að segja þessa dagana. Brjálað að gera í vinnunni vegna ársuppgjörs og kynbótamatsútreikninga í nautgriparæktinni. Svo var körfuboltaæfing á Dalvík í kvöld. Mjög góð æfing, hægt að lesa nánar um hana á dalvik.bloggar.is.

Aftur á móti má segja frá því að Aníka Lind er farin að nota Wordpress líka, eins og við Helgi Steinar. Næstur á lista er Egill Thoroddsen, en þar sem það var verið að fjölga í fjölskyldunni hans þá hefur hann afsökun fyrir því að vera ekki byrjaður.

Góða nótt ..

Gærdagurinn var ágætur. Kom náttúrulega heim til Akureyrar frá því að vera í Reykjavík í nokkra daga. Fór svo beint í vinnuna þar til mamma kom með Stubbu. Síðan hittumst við Helgi Steinar, fengum okkur pizzu og tölvuðumst aðeins.

Einfaldur og góður dagur

Jæja, þá er þetta er komið á hreint. Við hjónin erum komin með leigjendur að íbúðinni okkar í Stekkjartúni. Við erum einnig komin með íbúð á Álftanesinu sem við verðum í þetta tilrauna ár okkar í Reykjavík.

Svona er sem sagt sagan.

Aníka missti samninginn sinn á Passion á Akureyri. Kemst í skólann þessa önnina og fær samning á stofunni Salon Reykjavík. Þetta er sama stofa og hún vann á fyrir áramót, eða á síðustu önn. Aftur á móti er meistarinn þar, hann Arnar, tilbúinn að vera með Aníku lengur í starfi en bara samningstímann. Við settum þar með íbúðina okkar á leigu á mánudaginn 5. janúar og fengum strax svör. Íbúðin er nú leigð og við erum búin að vera að leita okkur að íbúð hér í borginni. Sem betur fer hafði ég samband við félaga minn Hannes Inga, sem er staddur í Edinburgh þessa dagana. Kemur þá í ljós að leigjendur að íbúðinni hans og Þóru, sögðu upp leigunni fyrir stuttu og væru tilbúin að losna sem fyrst. Við Aníka mætum á svæðið og skoðum íbúðina. Okkur leyst mjög vel á íbúðina og verðum þar frá 1. febrúar 2009 til 1. febrúar 2010, í minnsta lagi. Íbúðin þeirra er eins og smækkuð útgáfa af okkar. Á jarðhæð, sér inngangur, sólpallur, eitt svefnherbergi og rosa flott.

Nýja heimilsfangið okkar verður: Asparholt 2, 225 Álftanes.

Íbúðarrúturinn okkar í dag var svolítið sérstakur. Ég ætla nú ekki að fara að nefna heimilisföng og annað slíkt hér. En við skoðuðum fimm íbúðir í dag, fjórar þeirra í Hafnafirði og það var einmitt þar sem hver íbúðin var fallegri en hin. Endaði rúnturinn rosalega flottum stað með geðveikt flottu útsýni.

Það verður spennandi að sjá hvar við endum.

To be continued ..